AQSh-ta qarly borannan 4 adam qaza tapty

AQSh. QazAqparat – AQSh-tyń keıbir shtattarynda buryn-sońdy bolmaǵan qarly borannan kem degende tórt adam qaza taýyp, Tehasta mıllıondaǵan adam jaryqsyz qaldy, dep habarlaıdy QazAqparat USA Today agenttigine silteme jasap.

Ulttyq meteorologııalyq qyzmettiń habarlaýynsha, Tehastyń ońtústiginen Men shtatynyń soltústigine deıin 2000 mılge jýyq aýmaqty qamtyǵan qarly boran men kóktaıǵaq týraly 150 mıllıonnan astam adamǵa eskertý jarııalandy.

AQSh-tyń ortalyq aımaqtarynda rekordtyq tómen aýa temperatýrasy tirkeldi.

Aýa temperatýrasy áli de rekordtyq deńgeıge deıin tómendeıdi dep boljanýda.

Qarly borannyń saldarynan úsh shtatta kem degende tórt adam qaza tapty dep habarlandy.

Sondaı-aq, qutqarý jumystaryna kómektesý úshin Ulttyq gvardııa bólimsheleri jumyldyrylǵan.

Óz málimdemesinde AQSh prezıdenti Djo Baıden Tehas shtatynda tótenshe jaǵdaı jarııalady jáne kómek kórsetý týraly nusqaýlar berdi.

Shyǵys ýaqyty boıynsha saǵat 9:30-da FlightAware áýe kompanııasy dúısenbide el boıynsha 6300-den astam reıstiń toqtatylǵanyn jáne 5200-den astam reıstiń keshikkenin habarlady.

Seısenbide 2400-den astam reıs toqtatylýy múmkin.

Meteorologııalyq qyzmettiń habarlaýynsha, dúısenbi kúni tústen keıin eldiń 70% -dan astam aýmaǵyna qar jaýǵan.