AQSh-ta qaryzyna baılanysty úıi tárkilengender sany artty
ASTANA.KAZINFORM - Osy jyldyń birinshi toqsanynda AQSh-ta shamamen 119 000 múlik qaryz tólemeý saldarynan satylymǵa shyǵaryldy, bul aldyńǵy jylmen salystyrǵanda 26%-ǵa kóp, dep habarlaıdy FOX Business.
Saqtandyrý jáne múlik salyǵynyń shyǵyny AQSh turǵyndarynyń qaltasyn qaǵyp jatqandyqtan, úıden aıyrylǵandar sany alty jyldaǵy eń joǵary deńgeıge jetti.
Insurify esebine sáıkes, 2025 jyly jyljymaıtyn múlikti saqtandyrýdyń ortasha jyldyq shoty 2948 dollarǵa jetti, bul 2024 jylmen salystyrǵanda 12%-ǵa kóp. Attom málimeti boıynsha, múlik salyǵynyń ortasha somasy 3%-ǵa ósip, 4427 dollardy qurady. Bul kúrt ósim AQSh-tyń búkil ıpotekalyq portfolıosyna, sonyń ishinde 2022 jylǵa deıin 4% nemese odan tómen mólsherlememen nesıe alǵan qaryz alýshylar tobyna áser etti, al jańa satyp alýshylar ıpotekalyq mólsherlemelerdiń joǵary bolýyna baılanysty aıtarlyqtaı joǵary tólemderge tap bolady.
Buǵan deıin eldegi tólenbegen ıpoteka boıynsha ortasha aılyq tólem 2000 dollardan asqan bolatyn.
