AQSh-ta qar kóshkini júrip, 4 adam mert boldy
NЬıÝ-IORK. QazAqparat – AQSh-tyń ıÝta shtaty Solt-Leık-Sıtı qalasyna jaqyn mańda senbi kúni qar kóshkini júrip, tórt adam mert boldy, tórt adam aman qaldy, dep habarlaıdy QazAqparat CNN-ge silteme jasap.
Jergilikti polıtsııa ókili Meodı Katlerdiń sózinshe, qar kóshkini júrip, birneshe adamnyń qar qursaýynda qalǵany týraly habar Solt-Leık-Sıtı qalasynyń birikken polıtsııa basqarmasyna senbi kúni tańerteń 11:40 shamasynda túsken.
Katlerdiń aıtýynsha, úsh adam jáne bes adamnan quralǵan shańǵyshylardyń eki toby taýda bir ýaqytta shańǵy tebe bastaǵan. Bılik ókilderi qar kóshkinine toptasyp syrǵanaý sebep boldy dep esepteıdi.
«Shańǵyshylardyń tórteýi syrtqa shyǵyp, aman qalǵan, taǵy tórteýi kóshkin astynda qalǵan. Olardyń jasy 20-30 aralyǵynda», - dedi Katler.
Katler kóshkin júrgen aımaq shańǵyshylar arasynda óte tanymal ekenin jáne sońǵy ýaqytta ol jerde kóshkin júrý qaýpi óte joǵary bolǵanyn atap ótti.
Qaıǵyly oqıǵa orny Solt-Leık-Sıtı qalasynan ońtústik-batysqa qaraı 20 mılıa jerde, Mıll-Krık kanonyna jaqyn jerde ornalasqan.
Aıta ketken jón, ıÝta shtatynyń kóshkindi baqylaıtyn arnaıy ortalyǵy senbi kúni tańerteń Twitter-de kóshkin júrý qaýpi bar aýa raıy týraly eskertý jasaǵan.
ıÝta shtatynyń gýbernatory Spenser Koks shańǵyshylarmen bolǵan oqıǵany «aýyr qaıǵy» dep atady. «Biz qutqarý jumystaryna qatysqan jedel áreket etý qyzmetine jáne basqa da tulǵalarǵa alǵys aıtamyz. Qazir kóshkin júrý qaýpi óte joǵary bolǵandyqtan, abaı bolýlaryńyzdy suraımyn», - dep jazdy Koks Twitter paraqshasyna.
Solt-Leık-Sıtı qalasynyń meri Djennı Ýılson da qaıǵyryp otyrǵanyn jetkizdi.
