AQSh-ta qańǵybas bala mektepti úzdik bitirdi

Bul týraly  dailymail.co.uk habarlady. Mektep oqýshysy budan bes jyl buryn  anasy ómirden ozǵannan keıin baspanasyz qalǵan. Alǵashqyda ol týǵan-týystarynyń úılerin jaǵalaǵan. Al eseıgen soń olardyń bári teris qaraǵan. Qysqasy Lııon De Sılva úısiz qaldy.Biraq qıyndaqtar onyń úzdik oqýyna bóget bola almady.

Sońǵy úsh jyl ishinde (17 jasynan bastap) ol kóshede júrdi. Tehas saıajaıyndaǵy oryndyqtarǵa túneýge májbúr boldy. Biraq bozbala mektepti tastamady. Keıinirek Lııon oqıtyn mekteptegiler onyń jaǵdaıy týraly bildi. Úzdik oqýshylarynyń biriniń kóshede ómir súrip jatqanyn bilgen dırektor  mektep ákimshiligimen birlesip úısiz janǵa kómektesýdi uıǵardy.

Bilim shańyraǵynyń basshysy qashan tegin páter tabylǵansha óz qaltasynan tólep, balany qonaqúıge ornalastyrdy.

Sondaı-aq De Sılva kolledjde tegin oqýǵa grant utyp aldy. Mundaı granttar tek daryndy balalarǵa ǵana beriledi.