AQSh-ta qamaýǵa alynǵan Qazaqstan azamatshasy alaıaqtardyń aldaýyna túsip qalǵan bolýy múmkin - QR Syrtqy ister mınıstrligi
ASTANA. 28 naýryz. QazAqparat /Rýslan Ǵabbasov/ - AQSh-tyń Aspent qalasynda qamaýǵa alynǵan Qazaqstan azamatshasy Elvıra Ǵumarova alaıaqtardyń aldaýyna túsip qalǵan bolýy múmkin.
Bul týraly búgin Astanadaǵy brıfıngte Syrtqy ister mınıstrliginiń baspasóz hatshysy Іlııas Omarov aıtty.
«Kelip túsken aqparattardyń birine qaraǵanda, ol alaıaqtarǵa aldanyp qalǵan. Alaıda áli de bul jaıynda aıtý qıyndaý. Sondyqtan birinshi sot otyrysynyń nátıjesin kútý kerek»,-dedi baspasóz hatshysy. Onyń aıtýynsha, birinshi sot otyrysy 4 sáýirge belgilengen. Atap aıtqanda E. Ǵumarovanyń týystary AQSh-ǵy Qazaqstan Elshiligine habarlasyp, bul másele boıynsha kómek kórsetýdi suraǵan. «Múmkindiginshe biz barynsha kómek kórsetýge tyrysamyz»,-dedi І. Omarov.
Aıta keteıik, birqatar buqaralyq aqparat quraldarynda atalǵan Qazaqstan azamatshasy avtokólik satý jóninde jalǵan ınternet saıt arqyly 17 myń AQSh dollarynan astam qarjyny jymqyrdy degen kúdikpen Aspent qalasy bankteriniń birinde tutqyndalǵan bolatyn.
