AQSh-ta qalyń qar jaýyp, 3 myńnan asa áýe reısi toqtatyldy
ASTANA. 6 qańtar. QazAqparat - AQSh-ta qalyń qar túsip, qar aralas jańbyr jaýyp, 3 myńnan astam áýe reısi keıinge shegerildi.
Tabıǵı apattan Chıkago, Boston, Memfıs pen Neshvılle áýejaılary zardap shekti, dep habarlaıdy ITAR-TASS.
Boran AQSh-tyń soltústik-shyǵysy men ortalyq batysyndaǵy aýdanda kúsheıip tur.
Al atalǵan eldiń shyǵys jaǵalaýynda sýyq aýa raıy jylymyqqa aýysty. Atap aıtsaq, Nıý-Iork pen Nıý-Djersıde jańbyr aralas qar jaýyp tur. Aýa raıynyń qolaısyzdyǵynan Djon Kennedı atyndaǵy áýejaı birneshe saǵatqa jabyldy.
