AQSh-ta qalyń qar túsýine baılanysty jeti myńnan astam áýe reısi keıinge qaldyryldy
ASTANA. QazAqparat - AQSh-ta senbi kúni qalyń qar túsýine oraı 7,6 myńnan astam áýe reısi keıinge shegerildi, bul qatynas túri jeksenbige deıin toqtatylýy múmkin, dep habarlady CNN telearnasy.
Jumada kúndiz AQSh-tyń shyǵys jaǵalaýynda qýatty qysqy tsıklon oryn aldy. Bul astanalyq óńirdi, sondaı-aq jaqyn mańdaǵy Merılend, Vırgınııa jáne Pensılvanııa shtattaryn qamtydy. AQSh astanasynda jáne kórshi aýdandarda segiz saǵat aralyǵynda tolassyz qar jaýýda. Bul senbi túnge deıin jalǵasady. Ári ekpindi jel turady. Sınoptıkterdiń boljamynsha, boran senbi kúni keshke deıin jalǵasady dep kútilýde.
Telearna habarlaǵandaı, aýa raıynyń qolaısyzdyǵyna baılanysty astana jáne kórshi shtattarda, onyń ishinde Nıý-Iorkte áýejaılar jabyldy. Jumada keshke 7,6 myńnan astam reıs ushyrylmady. Mundaı jaǵdaı jeksenbige deıin sozylýy múmkin.
