AQSh-ta qalyń qar saldarynan 800 áýe reısi toqtatyldy
NUR-SULTAN. QazAuqparat - AQSh-ta eldiń shyǵys jaǵalaýyna túsken qalyń qar saldarynan 800-den asa áýe reısi toqtatyldy, dep habarlaıdy QazAqparat CNN-ge silteme jasap.
Telekompanııanyń málimeti boıynsha, qalyń qar saldarynan 6 myńǵa jýyq ishki jáne halyqaralyq reıster keshiktirilip jatyr. Amerıkalyq Delta Air Lines áýekompanııasynyń ushaqtarynyń biri Baffalo qalasy (Nıý-Iork shtaty) áýejaıynda ushý-qoný jolaǵynan shyǵyp ketýine qolaısyz aýa-raıy sebep bolǵan. Meteorologtardyń boljamynsha, qolaısyz aýa-raıy búgin de saqtalýy tıis.
«Senbi kúni Ońtústik Dakota shtatynda shaǵyn ushaq qulap, ushqysh pen eki bala qaza tapqan. Aıdaho-Follz (Aıdaho shtaty) qalasyna baǵyt alǵan áýe kemesi Chemberlen áýejaıynan ushqannan keıin birneshe ýaqyttan soń qulaǵan. Onyń da qolaısyz aýa raıy sebepshi bolýy múmkin», delingen habarlamada.
