AQSh-ta qala polıtseıdiń afroamerıkandyqty óltirgeni úshin 6,5 mln. dollar tóleıtin boldy
ASTANA. QazAqparat - AQSh-tyń Ońtústik Karolına shtatyndaǵy Nort-Charlston qalasy óltirilgen qara násildi Ýolter Skottyń otbasyna 6,5 mln. dollar tóleıdi, dep habarlaıdy Lifenews.ru.
AR-diń habarlaýynsha, qalalyq keńes bul sheshimdi biraýyzdan maquldady.
Sońǵy birneshe aı boıy qalalyq keńestiń músheleri Skottyń týystarynyń berýi múmkin aryzyn talqylaý úshin zańgerlermen turaqty túrde kezdesip otyrdy.
Endi óltirilgen er adamnyń otbasy Nort-Charlstondy sotqa bermeýi úshin iri kólemde aqsha alady.
Eske sala keteıik, 4 sáýir kúni ofıtser Maıkl Sleger kúre jolda 50 jastaǵy jergilikti turǵyn Ýolter Skottyń kóligin toqtatqan. Oǵan kóliginiń synǵan farasy sebep boldy. Tártip saqshysy men tártip buzýshynyń arasynda urys-keris shyǵyp, er adam qashpaq bolǵanda, polıtsııa qyzmetkeri qarýsyz qara násildi azamatty segiz ret atqan.
