AQSh-ta qabyǵy arshylǵan mandarın satýǵa shyǵarylǵan kúni saýdadan alynyp tastaldy
ASTANA. QazAqparat - Amerıkadaǵy Whole Foods dúkender jelisi mandarın qabyǵyn arshyp, plastık konteınerge salyp satýyn toqtatty. Bul ónim saýda zalyna qoıylǵannan keıin birneshe saǵattan keıin oryn aldy, dep habarlaıdy Bı-Bı-Sı agenttigi.
Mundaı ónimdi satyp alýshylar narazylyq bildirgen. Dúkenge kelgender jemistiń osyndaı ekologııalyq taza emes qorapqa salynǵanyn synaǵan.
«Tabıǵat apelsınderdi qalaı qaptaý kerektigin bilmeı me, biz olarǵa osynshama kóp plastıkti shyǵyndaýdyń qajeti bar ma», - dep narazylyq tanytqan adamnyń biri osy jazbany Týıtterge jazyp, oǵan plastık qorapshaǵa salynǵan arshylǵan mandarın sýretin qosty.
Bul jazbany mıkroblogta 70 myńnan astam paıdalanýshy bóliskennen soń saýda jelisiniń ókilderi qateligin moıyndap, mandarınderdiń «tabıǵı» qabyǵymen satylatynyn málimdedi.
«Keıbir klıentterdiń nazarymyzdy Sumos (mandarınderdiń túri) ónimine aýdaryp, ony tabıǵı óz qabyǵynda qaldyrý kerektigine aýdartqanyna qýanyshtymyz», - delingen kompanııanyń málimdemesinde.
