AQSh-ta kabrıolet júrgizýshisi 22 adamdy qaqty
ASTANA. QazAqparat - AQSh-ta Chevrolet SSR markili kabrıolet 22 adamdy qaǵyp, onyń 9-y aýrýhanaǵa jetkizildi, dep habarlaıdy USA Today jergilikti polıtsııa qyzmetine silteme jasap.
Qaıǵyly jaǵdaı Vırdjınııa shtatynda Martınsvıll qalasyndaǵy kólik turaqtarynyń biriniń mańynda Nascar avtojarysynan keıin boldy, dep habarlady quqyq qorǵaý organynyń qyzmetkerleri.
Polıtsııanyń málimetteri boıynsha, Chevrolet SSR kóliginiń júrgizýshisi kólikterdiń sapymen júrip kele jatqan, bir ýaqytta ol aldynda kele jatqan jol talǵamaıtyn kólikti basyp ozbaq bolady. Sol sátte ózge kólikpen soǵysyp, kabrıolet jolda ketip bara jatqan jaıaý júrginshilerdi soǵady.
Kýágerlerdiń biri kabrıolettiń 6-7 adamdy birden qaǵyp, bireýin basyp ótip ketkendigin aıtady, dep jazdy rbk.ru.
Jol-kólik apatyna ushyraǵandardyń eshqaısysy qaza bolǵan joq. Júrgizýgi ishimdik ishpegen. Degenmen, osy is boıynsha tekserý jumystary jalǵasýda.
Bıylǵy jyldyń mamyr aıynda Ońtústik Tehasta (AQSh) Meksıkamen shekaradaǵy jol boıynda avtobýs aýdarylyp qaldy. Osy oqıǵanyń saldarynan 8 adam mert bolyp, 44 adam zardap shekti.
