AQSh-ta JetBlue ushaǵynyń shassıinen eki adamnyń denesi tabyldy

ASTANA. KAZINFORM – Nıý-Iorkten shyqqan JetBlue ushaǵy Fort-Loderdeıl-Gollıvýd halyqaralyq áýejaıyna qonǵannan keıin shassı bóliminde (ushaqtyń dóńgelekteri) eki adamnyń máıiti tabyldy, dep habarlady CNN.

Qaza bolǵandar 6 qańtar kúni keshkisin reısten keıingi tehnıkalyq tekserý kezinde tabylǵan, oqıǵanyń mán-jaıy áli anyqtalmaǵan.

Quqyq qorǵaý organdary Broýard okrýginiń medıtsınalyq saraptama keńsesi eki adamnyń óliminiń sebepterin anyqtaý úshin aýtopsııa júrgizetinin aıtqan. 

Bul sońǵy aılardaǵy bolǵan birinshi jaǵdaı emes. CNN habaryna sáıkes, eki apta buryn Chıkagodan Gavaııge ushatyn United Airlines ushaǵynyń shassıinen de máıit tabylǵan.

Aıta keteıik, AQSh-taǵy boran saldarynan 46 áýejaıda reıster keshigýi múmkin. 

Kalıfornııada ushaq ǵımaratqa qulady: eki adam qaza tapty. 

Sondaı-aq Aqtaý túbinde qulaǵan ázerbaıjandyq ushaqtyń eksklıýzıvti sýretteri jarııalanǵanyn jazǵan edik.