AQSh-ta ıtterge arnalǵan dámhana ashyldy
ASTANA. QazAqparat - AQSh-tyń Los-Andjeles qalasynda ıtterge arnalǵan dámhana ashyldy, dep habarlaıdy 24.kz telearnasy.
Munda kelýshiler tek shaı men kofe iship qana qoımaı, osynda ıtterin oınatýǵa múmkindik alady. Dámhana ıesi Sara Volfgang osylaısha qańǵybas ıtter máselesine qoǵam nazaryn aýdartpaqshy. Bir jyl ishinde ol 100-den astam úı janýaryna qojaıyn taýyp berýdi josparlap otyr. Joba sátti bolsa Sara bolashaqta Amerıkanyń ózge de iri qalalarynda ıtterge arnalǵan dámhana ashýǵa kózdep otyr.
«Men Ońtústik Koreıada turdym. Sol jerde qańǵybas ıtter panalaıtyn orynda jumys istedim. Bul nysan jabylǵan kezde eriktilermen birigip, birneshe aıdyń ishinde 120 úı janýaryna qojaıyn taýyp berdik. Meniń dámhanam sekildi oryndar kóptep ashylsa, qańǵybas ıtter sanyn birshama azaıtar edik», deıdi ıtterge arnalǵan kafe ıesi Sara Volfgang.
