AQSh-ta ıt ıesine emenniń túbinen 10 mln.dollardyń qazynasyn taýyp berdi (FOTO)
ASTANA. QazAqparat - Soltústik Kalıfornııada (AQSh) erli-zaıypty ıtimen serýendep júrip, mol baılyqqa keneldi, dep jazady «MıllıarderЪ» jýrnaly.
Erli-zaıyptylar ıtiniń kári emen túbin qaza bastaǵanyn kórip, jaqyndaıdy. It tynbastan qazyp, 1427 dana altyn tıyndar salynǵan ydysty tabady.
«Bul - shamamen 10 mıllıon dollar kólemindegi baılyq. Barlyq tıyndar jaqsy saqtalǵan, onda 1847-1894 jyldar dep kórsetilgen», dep jazady basylym.
Derekkózdiń jazýynsha, tabylǵan altyn tıyndar tipti, aınalymǵa túspegen, bankten jańa satyp alynǵan kúıinde jasyrylǵan sekildi. Tıyndardyń túpnusqa ekenin «Professional Coin Grading Service» mamandary rastady.
Ár monetanyń quny shamamen 27 000 dollardy quraıdy. Baǵasy 1 mıllıonǵa deıin jetetin sırek danalary da kezdesedi.
Qazynaǵa qaryq bolǵan jup esimderin qupııa ustaýdy jón kórdi. Olar monetany Amazon saıty arqyly satylymǵa shyǵarmaq nıette.
