AQSh-ta ishek taıaqshasy indetin juqtyrǵandar sany artty

VAShINGTON. QazAqparat – Aýrýlardy baqylaý jáne aldyn alý ortalyqtarynyń málimetinshe, AQSh-tyń birqatar shtattarynda ishek taıaqshasy indeti taralǵan, dep habarlaıdy QazAqparat tilshisi NBC News arnasyna silteme jasap.

Aýrýdyń kóbeıýi Indıana, Mıchıgan, Ogaıo jáne Pensılvanııa shtattarynda tirkeldi. Juma kúni tizimge Nıý-Iork pen Kentýkkı qosyldy.

Bıliktiń málimetinshe, alty shtatta tirkelgen naýqastardyń sany 97 adamdy qurady. 43 adam aýrýhanaǵa jatqyzyldy, onyń 10-nyń jaǵdaıy aýyr. Qurbandardyń eń kóp sany Mıchıgan shtatynda – 58 naýqas. Alaıda, juqtyrǵandar sany odan da kóp bolýy múmkin.

Іndettiń kózi anyqtalmaǵanymen, Aýrýlardy baqylaý jáne aldyn alý ortalyqtary naýqastanǵan 10 adamnyń 8-ge jýyǵy apta ishinde Wendy's dúkeninen tamaqtanǵanyn habarlady. Tapsyrystaryn eske túsirgenderdiń basym kópshiligi romen qyryqqabaty qosylǵan býterbrod pen gambýrger jegenderin aıtty.

Pishinine baılanysty ishek taıaqshasy dıareıa, zár shyǵarý joldarynyń ınfektsııasy, tynys alý problemalary, pnevmonııa jáne basqa da asqynýlardy týdyrýy múmkin.

Bılik indet oshaǵyn anyqtaý jumystary júrgizilip jatqanyn aıtady. Qaıtys bolǵandar týraly aqparat túsken joq.

Foto: nbcnews.com