AQSh-ta Intel zaýytynda jarylys boldy: 7 adam zardap shekti
ASTANA. 8 maýsym. QazAqparat - Amerıkanyń Arızona shtatynda Intel kompanııasynyń zaýytynda jarylys boldy. Oqıǵa saldarynan, eń kem degende, 7 adam zardap shekti.
Keleńsiz jaǵdaı mıkrochıp shyǵaratyn zaýytta bolǵan. Kásiporynnyń zardap shekken korpýsynan birneshe júzdegen adam qaýipsiz jerge kóshirildi, dep habarlaıdy RBK agenttigi.
Tártip saqshylarynyń aıtýynsha, zardap shegýshiler negizinen jaryqshaqtarmen jaralanǵan. Biraz jumysshyǵa «mıdyń shaıqalýy» dıagnozy qoıylyp otyr.
Jarylystyń sebebi ázirge belgisiz. Intel kompanııasynyń basshylyǵy bolǵan oqıǵaǵa ázirge eshqandaı túsindirme bergen joq.
