AQSh-ta ınflıatsııa mamyr aıynda 4 paıyzdan asty
ASTANA. KAZINFORM – Tutyný baǵalarynyń ındeksi mamyr aıynda jyldyq kórsetkish boıynsha 4,2%-ǵa ósti. Bul sáýirdegi 3,8%-dan joǵary bolyp, 2023 jyldyń sáýirinen beri eń joǵary deńgeıge jetti, dep habarlaıdy CBS News.
Qańtardaǵy ınflıatsııa jyldyq kórsetkish boıynsha 2,4% paıyzdy qurady jáne negizinen Irandaǵy soǵystan týyndaǵan energetıkalyq daǵdarysqa baılanysty údeı bastady. Ormýz buǵazynyń jabylýy álemdik jetkizý tizbegin buzyp, benzınnen bastap áýe bıletterine deıin barlyq taýarlar baǵasynyń ósýine ákeldi.
AQSh Eńbek mınıstrliginiń mamyr aıyndaǵy esebinde habarlanǵandaı, benzın baǵasy ótken jylmen salystyrǵanda 40,5%-ǵa ósti.
Qyzanaq baǵasy 32%-ǵa, súttigen baǵasy shamamen 25%-ǵa, al kofe baǵasy 2025 jylǵy deńgeımen salystyrǵanda 17,5%-ǵa ósti.
Sarapshylardyń pikirinshe, Irandaǵy soǵystan tikeleı zardap shekken sanattardy qospaǵanda keıbir taýarlardyń baǵasy tómendep jatqanynyń belgileri bar, ıaǵnı ınflıatsııalyq qysym búkil ekonomıkaǵa áli taralǵan joq.
Jańa kólikteri, úı jıhazy jáne retsept boıynsha satylatyn dári-dármek baǵasy 14 aıda alǵash ret tómendedi.
AQSh-tyń Oxford Economics-taǵy jetekshi ekonomısi Nensı Haýtenniń pikirinshe, ınflıatsııa 2026 jyldyń mamyr aıynda sharyqtaý shegine jetýi, sodan keıin jyl sońyna qaraı tómendeýi múmkin.
Osyǵan deıin Qazaqstan qor bırjasyndaǵy (KASE) saýda-sattyq qorytyndysy boıynsha dollar baǵamy tómendegenin jazdyq.
