AQSh-ta hrıstıandar musylmandarmen birge namazǵa turdy
ASTANA.QazAqparat - Amerıkanyń Florıda shtatyna qarasty Kendall aımaǵyndaǵy meshit esigi keshki aýyzashar dastarhanyna nıet bildirýshi barlyq halyqqa aıqara ashyldy.
Stefanı Restepo esimdi hrıstan dininiń ókili aıaq kıimin sheship, ústine sharıǵat shartyna saı kıinip, «án-Nur» meshitinde musylmandarmen qatar sap túzep, namazǵa qatysty. Ol osylaısha musylman qaýymynyń keshki qulshylyǵyna qatysyp, ónegeli ómirdiń shynaıy úlgisin kórgendeı sezindi, dep jazady "Nur Astana" meshitiniń resmı portaly.
Meshit qonaqtary namaz súreleri men erejelerin bilmese de, jıylǵan musylmandarmen qatar birge Allaǵa moıynsunyp, rýkýǵqa ıilip, sájdege bas urdy. «Men musylmandardyń jan-dúnıesine ishki jaǵynan úńilip, jaqynyraq bilip, sezingim keldi» deıdi óz áserimen bólisken Stefanı namazdan keıin. Stefanımen birge ondaǵan musylman emes ózge de adamdar sham namazy men aýyzasharǵa keldi. Olardyń keıbiri jamaǵatpen namazǵa tursa, endi biri aýyzashar dastarhanyna otyrdy. Alaıda, kelgen qonaqtardyń barlyǵy da rızashylyqtaryn bildirgen. Aıta ketý kerek, Ońtústik Florıdanyń Musylman uıymy Koalıtsııasy osyndaı sharalardy jyl saıyn ár Ramazanda uıymdastyryp keledi.
