AQSh-ta hıdjap kıgen áıelge arasha túsemiz dep eki adam qurban boldy
ASTANA. QazAqparat - Amerıkalyq Portlend (Oregon shtaty) ótkelinde poıyzda belgisiz bireý pyshaqpen eki adamdy óltirip, taǵy bireýin jaraqattady. Qalanyń polıtsııa basqarmasy habarlaǵandaı, munyń aldynda er adam eki jolaýshyny (musylmandar) balaǵattaǵan, dep habarlady TASS.
Ol hıdjab kıgen áıelderge bolysqan jolaýshylardy pyshaqtady. «Er adam aıǵaılap, balaǵattap jatqanda, onyń janyna birneshe adam kelip, ony sabyrǵa shaqyrmaq bolady. Arasha túskenderdiń biri oqıǵa ornynda, ekinshisi aýrýhanada kóz jumdy. Úshinshi jaraqat alǵan adam medıtsınalyq tekserilýden ótýde», - dep naqtylady quqyq qorǵaý organynyń resmı ókili serjant Pıt Sımpson.
Ol qylmys ornynan boı tasalaǵan qanisher Portlendtiń soltústik-shyǵys bóligindegi stansalardyń birinen ustalyp, qamaýǵa alynǵanyn aıtty.
