AQSh-ta Harvı daýylynan qaza tapqandar sany 35-ke jetti
ASTANA. QazAqparat - Tehas pen Lýızıanada qaýipti sý tasqyny apta sońyna deıin jalǵasady.
Harvı tropıkalyq daýyly saldarynan Amerıkanyń Tehas shtatynda kem degende 35 adam qaza taýyp, 17 adam iz-túzsiz joǵalyp ketken. Sondaı-aq, 32 myń adam baspana izdeý úshin óz úılerin tastap ketti, dep habarlaıdy The Daily Star.
Harvı daýyly jaqynda «tropıkalyq kúızelis» deńgeıine deıin báseńsigen, alaıda meteorologtar qaýipti sý tasqyny Hıýstonda, Port-Artýr men Lýızıananyń ońtústik-batysynda apta sońyna deıin jalǵasatynyn eskertýde.
Korrespondent.net habarlaǵandaı, Harvı daýylynyń zalaly rekordtyq kórsetkishke jetýi múmkin. Shyǵynnyń jalpy quny 160 mlrd dollardy qurap, AQSh jalpy ishki óniminiń bir protsentine teń kelýi yqtımal.
