AQSh-ta hakerler Ebola vırýsy epıdemııasynyń taralǵany jaıly jalǵan aqparat taratqan
ASTANA. QazAqparat - Belgisiz hakerler Twitter-degi tanymal Yahoo news jańalyqtar portalynyń jazbalaryn ýaqytsha baqylaý múmkindigine ıe bolǵan.
Portal ákimshiliginiń resmı ókilderi habarlaǵandaı, kıberqylmyskerler jeksenbi kúni AQSh turǵyndaryna Ebola vırýsynyń taraǵany jaıly jalǵan qysqa habarlamalar taratqan. «Ebola vırýsynyń Atlantada taralǵan. Osy dertti juqtyrǵan dárigerler Afrıkadan kelgennen bastap ınfektsııany 145 adam juqtyrǵan», - degen hakerler.
Olardyń jarııalaǵan habarlamalary birden ınternet-basylymdarǵa tarap ketken. Keıin ınternet-portaldyń ákimshiligi resmı túrde olardyń atynan basqa bireýlerdiń kirgenin, al epıdemııa bastalǵany týraly jańalyqtyń jalǵan ekenin jarııalady. Dúnıejúzilik Densaýlyq Saqtaý Uıymynyń sońǵy málimetteri boıynsha, osy kúni qaýipti vırýstan kóz jumǵandary sany 961 adamǵa jetken. Al ony juqtyrǵandar sany - 1779 adam.
