AQSh-ta gepatıt, gerpes, COVID-19 juqtyrǵan zerthanalyq maımyl qashyp ketti

ASTANA. KAZINFORM — AQSh-tyń Mıssısıpı shtatynda polıtsııa jol apatynan keıin qashyp ketken zerthanalyq maımyldy izdestirip jatyr. Bılik málimetinshe, janýarǵa gepatıt C, gerpes jáne koronavırýs ınfektsııalary juqtyrylǵan, dep habarlaıdy BILD.

Oqıǵa 28 qazanda Haıdelberg qalashyǵynyń mańynda boldy. Tıýleın ýnıversıtetiniń medıtsınalyq zerthanasynan makakalar tobyn tasymaldap kele jatqan júk kóligi jol jıegine shyǵyp ketken. Jan-jaqqa shashylǵan aǵash jáshikter arqyly birneshe janýar qashyp ketken. Polıtsııa dereginshe, maımyldardyń basym bóligi ustaldy, alaıda bireýi áli kúnge deıin taptyrmaı júr.

Bılik turǵyndardan janýarǵa jaqyndamaýdy jáne ony ustaýǵa áreket jasamaýdy surady.

«Biz áli de bostandyqta júrgen bir maımyldy izdeýdi jalǵastyryp jatyrmyz. Eshqandaı jaǵdaıda ony ustamańyzdar, bul densaýlyqqa qaýipti bolýy múmkin», delingen polıtsııa málimdemesinde.

Laboratorııa málimetinshe, bul vırýs juqtyrylǵan janýarlar jynystyq ınfektsııalar jáne respıratorlyq vırýstar boıynsha zerthanalyq synaqta qoldanylǵan.

Eske sala ketsek, Qyzylordada janýar tistegen 1,5 myńnan astam adam dárigerge júgingen. 

Al Almaty qalasy sanıtarııalyq-epıdemıologııalyq baqylaý departamentiniń basshysy qańǵybas janýarlardan dermatomıkoz juǵýy múmkin ekenin habarlady.