AQSh-ta gaz baǵasy 2008 jyldan beri eń joǵary kórsetkishke jetti

NUR-SULTAN. QazAqparat – AQSh-ta osy jyldyń kókteminde tabıǵı gaz baǵasy ótken jylmen salystyrǵanda eki esege ósip, 2008 jylǵy krızısten keıin alǵash ret joǵary deńgeıge jetti, dep habarlaıdy QazAqparat tilshisi.

Bloomberg agenttiginiń málimetinshe, myń tekshe metr gaz baǵasy 270,58 dollar turady. Al sarapshylar shtatta kógildir otyn qunynyń ósýi Reseıge qatysty sanktsııalyq saıasatpen baılanysty degen pikirde. Eýropa naryǵynda Reseı gazyna salynǵan tyıymǵa baılanysty AQSh-ta óndiriletin kógildir otynnyń eksport kólemi birden artqan.

Sonymen qatar, Amerıkanyń jerasty gaz qoımasyndaǵy rezervtik qory normadan tómen, al óndiris burynǵy deńgeıde. Osy sebepti otyn baǵasy Eýropada aıtarlyqtaı ósken. Alaıda, AQSh-tan EO-ǵa suıytylǵan tabıǵı gazdy eksporttyq jetkizý reseılik jetkizilimderdi almastyra almaıdy. Osyǵan baılanysty Shtatta da gaz baǵasy qymbattaǵan.

Sonymen qatar, kógildir otyn qunyna Soltústik Amerıkada sáýir aıynyń kúrt salqyn bolýy yqpal etken, dep esepteıdi ekspertter.