AQSh-ta ǵaryshqa ushqan alǵashqy áıel-astronavt qaıtys boldy
ASTANA. 24 shilde. QazAqparat - Keshe birinshi amerıkandyq áıel-astronavt Sallı Raıd qaıtys boldy. Bul týraly Agence France-Presse agenttigi habarlaıdy.
Sońǵy jyldary Raıd uıqy beziniń qaterli isik dertine shaldyqqan. Ol 61 jasqa kelgen shaǵynda baqılyq boldy.
Sallı Raıd 1951 jyly 26 mamyrda Kalıfornııada dúnıege keldi, fızıka mamandyǵy boıynsha Stenford ýnıversıtetin támamdady. Ol NASA baǵdarlamasyna 1977 jyly qosyldy.
NASA-ǵy óziniń qyzmeti barysynda Raıd ǵarysh mıssııasyna 2 ret - 1983 jáne 1986 jyldary qatysty. Jalpy alǵanda ǵarysh keńistiginde 350 saǵat ótkizgen. Raıd 1987 jyly ǵarysh agenttigindegi jumysynan ketti.
