AQSh-ta ǵalymdar Jerde tirshilik etken eń iri qustyń ushý qupııasyn ashty
ASTANA. QazAqparat - AQSh-ta ǵalymdar Jerde tirshilik etken eń iri qustyń ushý qupııasyn ashty, dep habarlady ITAR-TASS.
25 mln. jyl buryn Jerde tirshilik etken iri qustyń qanat serpini 6,5 metrden asyp túsken. Odan keıin tirshilik etken eń iri qus - albatros - bul kórsetkishten eki esege az.
Ǵalymdardy asa iri qustyń ushýy qyzyqtyrǵan. Olar muny úlgige salyp kórdi. Ejelgi janýarlar dúnıesiniń ókili aýa aǵyny kúshimen qulashty qanat serpýiniń arqasynda orasan qashyqtyqty eńserip, bir apta boıy toqtaýsyz ushatyn bolǵan.
Bul rette onyń ushý jyldamdyǵy saǵatyna 55 shaqyrymǵa jetken. Alaıda áli kúnge deıin zertteýshiler birneshe ondaǵan keli salmaqpen jáne óte názik súıekpen densaýlyǵyna qaýip tóndirmeı, onyń jerge qalaı qonǵanyn anyqtaı almaı otyr.
Ejelgi qustyń qańqasy Charlston (Ońtústik Karolına) qalasynda áýejaı qurylysyn salý barysynda 1983 jyly tabylǵan. Alaıda jýyrda ǵana kompıýterlik tehnologııanyń arqasynda qustyń mıllıon jyldar buryn tirshilik keshkendigin anyqtaý múmkindigi týdy.
