AQSh-ta ǵalymdar AITV-ǵa ekpe ázirleýde
AQSh-ta ǵalymdar AITV-ǵa ekpe ázirleýde ASTANA. QazAqparat - AITV/JITS damýyn antıretrovırýstyq preparattardyń dástúrli jıynynsyz adam aǵzasynan alǵan belgili bir qarsy deneler kómegimen joıýǵa bolady. Bul týraly amerıkalyq Nature jýrnalynda AQSh-taǵy Rokfeller ýnıversıtetinen Mıshel Nýssentsvaıgtiń basshylyǵymen ǵalymdar toby jazǵan hatta aıtylady, dep habarlady TASS.
Jarııalanymǵa sáıkes áńgime 3BNC117 kodtyq belgisimen «beıtaraptandyrylǵan qarsy deneler» jaıynda bolyp otyr. Ol AITV-ǵa tabıǵı ımmýnıteti bar biregeı patsıenttiń biriniń aǵzasynan bólindi. Olar vırýsty juqtyrǵan kúnde de, olarda ınfektsııa damymaıdy, ıaǵnı, tabıǵı jolmen joıylady.
Endi Nýssentsvaıg toby qalypty patsıentterdegi AITV-ny joıý úshin olarǵa osy qarsy deneniń ınektsııasyn paıdalanyp kórdi. Qatań baqylaýdaǵy vırýs tasyǵysh eki top kúndelikti dárini ishýdi toqtatty; onyń ornyna ınektsııa serııasy jasaldy. Barlyq 13 qatysýshyda vırýstyq júkteme sońǵy ekkennen keıin 5 aptada barynsha tómen kúıde qaldy (qalypty merzimnen eki ese uzaq).
Altaýynda qorǵanys 9 apta áreket etti. Tipti 19 aptalyq rekord ornatyldy. Qolaısyz áserler baıqalmady.
Los Angeles Times gazetiniń habarlaýynsha, Nýssentsvaıg AITV/JITS dárisi jaıly aıtý ázirge erte ekenin moıyndaıdy. Ol saý adamdardy vırýsty juqtyrýdan qorǵaý úshin ekpe uıymdastyrý jaıly armandap júr. Mundaı eksperımentter júrgizilip, úmit artatyn nátıjelerge qol jetkizildi.
