AQSh-ta Florens daýylynan zardap shekkender sany 36 adamǵa jetken
ASTANA. QazAqparat - AQSh-ta Florens daýylynan zardap shekkender sany 36 adamǵa jetken, dep habarlaıdy QazAqparat LA Times-qa silteme jasap.
Tańerteń jarııalanǵan derekterge sáıkes, qaza tapqandardyń basym bóligi - 20 adam óz avtomobılderinde qulttanyp, mert bolǵan.
Kólikter daýyl saldarynan bolǵan sý tasqynynyń epıtsentrinde qalyp qoıyp, basqa kóliktermen soqtyǵysqan.
Florens daýylynan zardap shekkenderdiń kóbi Soltústik Karolınada tirkelgen. Ol jerde 27 adam mert bolǵan. Alty adam Ońtústik Karolınada, ekeýi Vırgınııa shtatynda daýyldyń qurbany boldy. Sondaı-aq, daýyl saldarynan úsh búldirshin qaza tapty.
Florens daýylynan bolǵan shyǵyn 22 mıllıard dollarǵa jetip otyr, biraq bul naqty soma emes, dep habarlaıdy Moody Analytics.
Soltústik Karolınada erjetken tanymal basketbolshy Maıkl Djordan 2 mıllıon dollar bólip, qaıyrymdylyq jasaǵan.
Foto: trib.com
