AQSh-ta Federaldyq qor júıesiniń tóraǵasyna qarsy tergeý bastaldy – New York Times

ASTANA. KAZINFORM – Kolýmbııa okrýginiń prokýratýrasy Federaldyq qor júıesiniń Vashıngtondaǵy shtab-páterin jóndeýge baılanysty onyń tóraǵasy Djerom Paýelge qarsy qylmystyq tergeý amaldaryn bastady, dep habarlaıdy BBC men New York Times. 

NYT málimetinshe, jarııa málimdemelerdi taldaýdy jáne shyǵyn týraly qujattardy qaraýdy qamtıtyn tergeýdi qarasha aıynda ótken jyly Kolýmbııa okrýginiń federaldyq prokýrory bolǵan Janın Pırro maquldady.

Paýeldiń ózi Tramp ákimshiligi ony osy jazda Kongreste bergen túsinigine baılanysty qylmystyq aıyptaýlarmen qorqytqanyn málimdedi. Al AQSh prezıdenti Paýeldi paıyzdyq mólsherlemeni aıtarlyqtaı tómendetý jáne shtab-páterin 2,5 mlrd dollarǵa jańǵyrtý talaptaryna qarsylyq bildirgeni úshin synǵa aldy.

Ótken aptada NYT-qa bergen suhbatynda Tramp FQJ-nyń jańa tóraǵasyn tańdaǵanyn málimdedi. Tramptyń keńesshisi Kevın Hassett bul laýazymǵa basty úmitkerlerdiń biri sanalady.

FQJ ǵımarattaryn jóndeý jumystary 2022 jyly bastalyp, 2027 jyly aıaqtalýy tıis. NYT atap ótkendeı, bul shyǵyn bıýdjetten shamamen 700 mln dollar artyq.

Ǵımarat 1930 jyldary salynǵannan beri onda keshendi jóndeý jumystary júrgizilmegen. Atap aıtqanda, asbest pen qorǵasynmen lastanýdy joıý jáne múmkindigi shekteýli adamdar úshin qoljetimdilikti qamtamasyz etý qajet. Osy arada jóndeý jobasynda joǵary laýazymdy sheneýnikterge arnalǵan jeke jedelsatylar men ashanalar, sýburqaqtar men jańa mármár elementteri, sondaı-aq qyzmetkerlerge arnalǵan shatyrdaǵy terrasa qarastyrylǵan. Maýsym aıynda ótken Kongress tyńdaýynda Paýell bul elementterdiń kópshiligi sońǵy jobaǵa kirmegenin málimdedi.

– VIP ashana da, jańa mármár de joq. Biz eski mármárdi alyp tastadyq, biraq ony qaıtadan ornatyp jatyrmyz, - dedi ol.

Osyǵan deıin Tramp FQJ tóraǵasy qyzmetine úmitkerler sanyn azaıtqanyn jazǵan edik.