AQSh-ta erteń taǵy bir qazaq boksshysy sharshy alańǵa shyǵady
ASTANA. QazAqparat - Erteń AQSh-ta qazaqstandyq bylǵary qolǵap sheberi Bekman Soılybaev kezekti jekpe-jegin ótkizedi, dep habarlaıdy QazAqparat tilshisi.
Jerlesimizdiń qarsylasy meksıkalyq boksshy German Meraz (Meksıka, 55-42-1, 32KO).
Búgin eki boksshy da salmaq ólsheý rásiminen ótti. Ekinshi orta jeńil salmaqta sharshy alańǵa shyǵatyn otandasymyz 60,2 keli salmaqty kórsetse, qarsylasy meksıkalyq 59,9 keli shyqty.
Aıta ketý kerek, bul boksshymyzdyń onynshy jekpe-jegi bolmaq. Osyǵan deıin toǵyz ret sharshy alańǵa shyǵyp, barlyǵynda jeńiske jetken. Tórt kezdesýin merziminen buryn aıaqtady.
Jekpe-jek AQSh-tyń Kalıfornııa shtatyndaǵy Týstın qalasynda ótedi.
Al buǵan deıin taǵy bir boksshymyz erteń AQSh-ta kezekti aıqasyn ótkizetinin jazǵan bolatynbyz.
