AQSh-ta erli-zaıyptylar qyzdaryna Allah tegin bermek
ASTANA. QazAqparat - Qyzdaryna Allah tegin bergisi kelgen amerıkalyq otbasylyq jup týý týraly kýálikti berýden bas tartqan Djordjııa shtatynyń bıligine sotqa shaǵymdandy.
Bul týraly Bı-bı-bı reseılik qyzmeti habarlady.
Djordjııa shtatynyń densaýlyq saqtaý mınıstrligi 22 aılyq qyzǵa týý týraly kýálikti berýden bas tartyp otyr.
Qyzdyń ata-anasy Elızabet Hendı men Bılal Ýolk óz qyzdaryn ZalıKha Greısfýl Lorreına Allah dep ataǵysy kelgen.
Alaıda shtat zańyna sáıkes, sábı anasynyń nemese ákesiniń tegin ne bolmasa ekeýin de qatar ıelenýi tıis. Shtat bıligi sábıdi anasynyń da, ákesiniń de tegi bolyp tabylmaıtyn Allah famılııasymen tirkeýden bas tartyp otyr.
Qyzdyń ákesi Atlanta Journal-Constitution-ǵa bergen suhbatynda óz tańdaýlarynyń dinge esh qatysy joqtyǵyn jáne ony tek ádemi esim dep sanaıtynyn aıtqan.
Búldirshin qyzdyń Masterfýl Mozıra Alı Allah esimdi úsh jasar aǵasy bar. Shtat bıliginiń oǵan esh qarsylyǵy bolmaǵan, dep jazdy Washington Post.
