AQSh-ta er adamnyń jýrnalısterge oq atý sebebi belgili boldy
ASTANA. QazAqparat - Vırdjınııa shtatynda WDBJ7 telearnasynyń jýrnalısterin tikeleı efırde atyp óltirgen Vester Lı Flanagan artynsha faks boıynsha ABC News-ke hat joldady.
Onda óziniń bul áreketine túsindirme jazǵan, dep habarlady BBC.
Ol AQSh-taǵy násilge bólýshilikke narazy ekenin kórsetken. Flanagan qara násildi jáne qyzteke bolǵandyqtan kemsitýshilikke tap bolǵanyn aıtty. Er adam WDBJ7 telearnasynyń burynǵy qyzmetkeri bolǵan jáne habarlamaǵa sáıkes, ony jumysta únemi kemsitip kelgen.
Flanagan óz-ózine qol jumsaý áreketi kezinde alǵan jaraqaty saldarynan aýrýhanada mert boldy. Óz-ózine qol salmas buryn ol oq atqan sátin túsirilgen vıdeosyn áleýmettik jelilerde jarııalaǵan.
Eske sala ketsek, WDBJ7 telearnasynda jumys istegen eki jýrnalıst - 24 jastaǵy tilshi Elıson Parker men 27 jastaǵy operator Adam Ýord sársenbi kúni tikeleı efır kezinde kezinde qaza tapty.
