AQSh-ta er adam jatyn bólmesinen jer astyna túsip ketti

Oqıǵa ornyna kelgen qutqarýshylar paıda bolǵan ordan ony taba almady, dep habarlady RBK.

Oqıǵa Florıda shtatynyń Seffner qalasynda boldy. 36 jastaǵy jergilikti turǵyn Djeffrı Býsh úıiniń astyndaǵy topyraqtyń opyrylyp túsýi saldarynan tereńdigi 6 metr jáne dıametri 10 metr orǵa qulap ketti.

Oǵan kishi inisi kómektesýge tyrysqan, biraq qutqarýshylarǵa onyń ózin shuńqyrdan alyp shyǵýǵa týra keldi. 35 jastaǵy Djeremı Býsh aǵasynyń kómekke shaqyrǵan daýysyn estigenin aıtty. Órt qyzmetkerleri men qutqarýshylar Dj.Býshpen baılanysty ornata almady.

Orǵa túsirilgen kameralar men mıkrofondar zardap shegýshiniń izderin taba almady. Qazirgi ýaqytta bılik Dj.Býsh qaza boldy degen boljamdy aıtýda.

Florıdanyń ortalyq bóliginde jer qabatynyń oıylýy jıi bolyp turady. Sebebi munda jerasty karst úńgirleri kóp, olar sý erozııasynan buzylady.