AQSh-ta er adam sulýlyq salonynda oq jaýdyrdy: qaza bolǵandar bar
ASTANA. 22 qazan. QazAqparat - AQSh-ta, Vıskonsın shtatynda er adam sulýlyq salondarynyń birinde oq jaýdyrdy. 3 adam qaza bolyp, taǵy 4-ýi jaraqattarmen aýrýhanaǵa jetkizildi.
RBK habarlaǵandaı, oqıǵa Brýkfıld qalasynda oryn aldy. Er adam "Brýkfıld skver" saýda úıiniń aýdanynda ornalasqan "Azana Spa" salonynda adamdarǵa oq jaýdyra bastaǵan.
Bul qylmysty jasaýda 45 jastaǵy Redklıff Franklın Hogton esimdi azamat kúdikti sanalyp otyr. Buǵan deıin habarlanǵandaı, ol qylmys jasaǵannan keıin oqıǵa ornynan izin sýytqan. Alaıda keıin onyń ózi atys uıymdastyrǵan ǵımarattyń ishinde óli tabylǵandyǵy týraly aqparat tarady. Aldyn ala jasalǵan boljam boıynsha, ol óz-ózine qol jumsaǵan.
Oqıǵa ornynda qoldan jasalǵan jarylǵysh zat tabyldy. Qazirgi ýaqytta ol zalalsyzdandyryldy.
Jasalǵan boljamdarǵa qaraǵanda, er adam sulýlyq salonynda jumys isteıtin burynǵy jubaıymen bolǵan janjaldan keıin osyndaı qylmysqa barǵan.
