AQSh-ta er adam dúkenge bekinip alyp, polıtsııaǵa oq jaýdyrdy
ASTANA. QazAqparat - AQSh-tyń Montana shtatyndaǵy Bıllıngs qalasynda er adam dúkenge kirip bekinip alyp, oqıǵa ornyna jetken polıtsııaǵa qarsy oq jaýdyrdy. Bul týraly KTVQ. basylymyna silteme jasap korrespondent.net habarlaıdy.
Basylym taratqan málimetterge qaraǵanda, er adam kólikpen ǵımaratty buzyp kirip, bekinip alǵan soń, polıtseılerge qarata oq ata bastaǵan. Atylǵan oq polıtseılerdiń kóligine tıdi. Sonymen qatar qaskóı polıtsııaǵa qarsy kóz qaryqtyryp, qulaq tundyratyn granata laqtyrǵan. Oqıǵanyń saldarynan zardap shekkenderdiń bar-joǵy týraly ázirge basylym eshteńe jazbaǵan.
Polıtsııa qyzmetkerleri dúken men onyń aınalasyn qorshaýǵa alyp, er adammen kelissózder júrgizýge tyrysqan.
Telearnalardyń biriniń habarlaýynsha, er adamdy osy oqıǵaǵa deıin ózge dúkennen qýyp shyqqan, óıtkeni ol dúkennen atys qarýyn urlamaq bolǵan.
Billings Gazette basylymynyń jazýynsha, dúkende 10 saǵat boıy otyrǵan er adam ǵımarattan shyǵyp qashyp ketpek bolǵan. Alaıda, polıtsııamen arada atys bolyp, er adam oqıǵa ornynda kóz jumdy.
