AQSh-ta er adam áıeldi pyshaqtap óltirip, vıdeosyn Facebook-ke jarııalaǵan

SAN MATEO. QazAqparat – Amerıkanyń San Mateo qalasynda er adam áıeldi pyshaqtap óltirip, vıdeosyn Facebook-ke jarııalaǵan, dep habarlaıdy QazAqparat CNN agenttigine silteme jasap.

Taıaýda San Mateo polıtsııasyna qońyraý túsken: habarlasqan adam Facebook-te áıelge pyshaqpen shabýyldap jatqan sáttiń kýási bolǵanyn aıtqan.

Sondaı-aq, ol polıtsııaǵa vıdeony áleýmettik jelige salǵan adamnyń aty-jóni men telefon nómirin bergen.

Telefon nómirin tekserý barysynda onyń San Mateodaǵy turǵyn úı keshenderiniń birinde ekeni anyqtalǵan.

Keıinirek San Hose qalasynda 39 jastaǵy kúdikti Mark Mechıkov tutqyndaldy.

Polıtseılerdiń aıtýynsha, onyń áıelge ne úshin pyshaq ala júgirgeni belgisiz.

Kúdikti qashyp ketken, biraq polıtseıler ony marqumnyń máıitin tapqannan keıin eki saǵat ishinde ustady.

Polıtsııanyń málimetinshe, ol óltirgen adamyn tanıdy.

Oǵan qasaqana kisi óltirdi degen aıyp taǵyldy.