AQSh-ta «Emmı» syılyǵyna úmitkerler ataldy
ASTANA. QazAqparat - «Jabaıy batystyń álemi» («Mır Dıkogo Zapada») fantastıkalyq serıaly men «Senbilik keshte tikeleı efırde» («Sýbbotnım vecherom v prıamom efıre») baǵdarlamasy nomınatsııalar sany boıynsha «Emmı» bedeldi amerıkalyq televızııalyq syılyǵynyń nomınanttar tiziminde kósh bastady, dep habarlaıdy QazAqparat TASS agenttigine silteme jasap.
Úmitkerlerdiń tizimin beısenbi kúni Los-Andjeleste Televızııalyq ǵylymdar men óner akademııasy jarııalady. HBO arnasynan kórsetilip jatqan «Jabaıy batystyń álemi» serıaly 22 sanat boıynsha nomınatsııalandy. Telehıkaıada basty róldi somdap jatqan Entonı Hopkıns pen Evan Reıchel Výd úzdik akter men aktrısa ataǵy úshin baq synaıdy. Kórermenge NBC arnasy arqyly jol tartqan «Senbilik keshte tikeleı efırde» baǵdarlamasy da 22 nomınatsııaǵa usynylyp otyr. Sońǵy kezde bul telebaǵdarlama óz efırinde AQSh prezıdenti Donald Trampqa parodııalardy turaqty túrde kórsetý arqyly reıtıngin arttyryp keledi.
Memleket basshysynyń rólin somdaıtyn amerıkalyq akter Alek Boldýın ekinshi plandaǵy úzdik komedııalyq akter ataǵyna úmitker. Saturday Night Live tusaýkeseri 40 jyl buryn bolǵan. Ol AQSh-taǵy eń tanymal keshki shoýlar qataryna kiredi. Bıyl nomınatsııa sany boıynsha kóshbasshylar qatarynda «Dushpandyq» («Vrajda») jáne «Óte qaýipti ister» («Ochen strashnye dela») serıaldary bar. Olardyń ekeýi de 18 nomınatsııaǵa usynylǵan. «Vıtse-prezıdent» atty saıasat týraly satıralyq serıal - 17 nomınatsııanyń, «Úlken azdaǵan ótirik» («Bolshaıa malenkaıa loj») jáne «Fargo» 16 nomınatsııanyń júldelerinen úmitti.
«Emmı» - televıdenıe salasyndaǵy amerıkalyq syılyq. Ol jyl saıyn teleındýstrııanyń ártúrli salasyna tabystalady. Syılyqty tabystaýdyń 69-shy saltanatty rásimi 17 qyrkúıek kúni ótedi. Ol CBS arnasynan tikeleı efırde kórsetiledi.
