AQSh-ta el azamaty joǵaldy: QR SІM izdestirýge qatysty túsinik berdi
ASTANA. KAZINFORM – Qazaqstannyń Syrtqy ister mınıstrligi el azamatynyń AQSh-ta joǵalyp ketkeni týraly aqparatqa túsinikteme berdi.
Vedomstvonyń habarlaýynsha, qazaqstandyq dıplomattar AQSh-tyń quzyrly organdarymen baılanysqa shyǵyp, oqıǵanyń barlyq mán-jaıyn anyqtap jatyr.
— QR Syrtqy ister mınıstrligi Chıkagoda Qazaqstan azamaty A.Quralbaıdyń joǵalyp ketkeni jóninde habardar. Nıý-Iorktegi Bas konsýldyq onyń týystarymen tyǵyz baılanysta. Bul jaǵdaı Qazaqstan Respýblıkasy Syrtqy ister mınıstrliginiń baqylaýynda, dep atalyp ótken mınıstrlik aqparatynda.
Aıta keteıik, buǵan deıin AQSh-ta qazaq azamaty iz-túzsiz joǵalyp ketkenin jazǵan edik. Ol barlyq qujaty men aqshasyn úıine qaldyryp ketken.
Aset Quralbaı AQSh-ta, Illınoıs shtatyndaǵy Chıkago mańynda (Ford Heights aýdanynda) turyp kelgen. Ol sońǵy ret 2026 jylǵy 2 maýsymda baılanysqa shyqqan. 7 maýsymnan bastap onyń telefony óshirýli.
