AQSh-ta ekpe salynbaǵan balalar sany jańa rekordtyq kórsetkishke jetti
ASTANA. KAZINFORM – AQSh-ta balalaryna ekpe saldyrmaýdy sheshken ata-analar sany artty, dep habarlaıdy NBC News. https://www.nbcnews.com/health/health-news/vaccine-exemptions-personal-religious-measles-cdc-rcna592960
Aýrýlardy baqylaý jáne aldyn alý ortalyǵynyń málimetinshe, 2025-2026 oqý jylynda balabaqsha oqýshylarynyń 4,2%-yna, ıaǵnı shamamen 155 myń balaǵa ekpe saldyrtýdan bas tartýdyń kem degende bir sebebi bolǵan. Bul aldyńǵy oqý jylyndaǵy 3,6% kórsetkishten joǵary bolyp otyr.
Mundaı negizdemelerdiń basym kópshiligi «medıtsınalyq emes» sıpatta boldy, ıaǵnı ata-analary nemese qamqorshylary vaktsınalaýdan densaýlyqqa baılanysty emes, jeke nemese dinı sebeptermen bas tartqan. Medıtsınalyq erekshelikter úlesi ózgerissiz qaldy – 0,2%.
AQSh-tyń Aýrýlardy baqylaý jáne aldyn alý ortalyqtarynyń málimetinshe, vaktsınalaýdan bosatý oqıǵalarynyń sany 41 shtatta jáne Kolýmbııa okrýginde artty.
Bıyl eldegi qyzylsha aýrýyna shaldyǵý sany 35 jyldaǵy eń joǵary kórsetkishke jetti. Dúısenbidegi jaǵdaı boıynsha, tek 2026 jyly elde aýrý juqtyrýdyń 2566 jaǵdaıy tirkeldi. Bul rette Ogaıo, Pensılvanııa jáne ıÝta shtattarynda aýrýdyń taralýy jalǵasyp jatyr.
Vırýstyń taralýynyń jalǵasýy eldiń 2000 jyly qyzylshany jeńe alǵan el retindegi mártebesine qaýip tóndirdi.
MMR vaktsınasynyń eki dozasy qyzylshadan ádette ómir boıyna 97 paıyz qorǵaýdy qamtamasyz etedi. AQSh-tyń Aýrýlardy baqylaý jáne aldyn alý ortalyqtarynyń málimetinshe, ótken jyly balabaqshaǵa baryp júrgen shamamen 280 myń bala qyzylsha men qyzamyqqa qarsy ekpe almaǵan. Bıylǵy jyly qyzylshamen aýyrǵandardyń barlyǵy derlik, shamamen 93%-yna vaktsına salynbady.
Osyǵan deıin Tramp balalardy vaktsınatsııalaý usynysyn ózgertý týraly jarlyqqa qol qoıǵanyn jazdyq.
