AQSh-ta eki ushaq áýede soqtyǵysyp, muhıtqa qulady
ASTANA. QazAqparat - Eki shaǵyn ushaq áýede soqtyǵysyp, Los-Andjeles aılaǵynyń qasynda Tynyq muhıtqa qulady. Qazirgi kezde tiri qalǵandar týraly málimet joq, dep habarlady jergilikti bılikke silteme jasaı otyryp «Assoshıeıted Press» agenttiginen.
AQSh-tyń jaǵalaý kúzetiniń aqparatynsha, ushaqtar jergilikti ýaqyt boıynsha saǵat 15:30-da soqtyǵysqan.
«FOX Los Angeles» telearnasynyń habarlaýynsha, ushaq bortynda eki er adam men bir áıel bolǵan.
Oqıǵa ornynda izdeý-qutqarý jumystary júrgizilip jatyr. Los-Andjeles aılaǵyna barar jol jabylǵan.
