AQSh-ta eki oqýshy ushaqty aıdap áketken
ASTANA. QazAqparat - AQSh-tyń ıÝta shtatynda Cessna jeńil motorly ushaǵyn aıdap áketken 14 jáne 15 jasar eki oqýshy ustaldy, dep habarlaıdy CBS.
Bir qyzyǵy, munyń aldynda jasóspirimder traktordy urlaǵan.
Jetim balalar úıinde turatyn oqýshylar sol shtattaǵy dostarynyń úıine qonaqqa kelgen. Sodan keıin aıdap áketken traktormen jekemenshik aerodromǵa baryp, aldymen kózderine ushyrasqan jeńil motorly ushaqqa otyrǵan.
Shamasy, balalar tehnıka tilin bilgen de bolýy kerek. Buzaqylardy áýege kóterilip, 50 shaqyrymdaı qashyqtyqqa jetkende ǵana baıqaıdy.
Oqýshylar bolsa ushaqty ózderi buryp, jaqyn mańdaǵy áýejaıǵa sátti qondyrǵan. Polıtseıler álgilerdi sol jerde qolǵa túsirdi.
Buzaqylardy qandaı jaza kútip turǵany ázirge belgisiz.
