AQSh-ta eki mıllıonǵa jýyq adam áıelder marshyna qatysty
ASTANA. QazAqparat - Donald Trampty ulyqtaý rásiminen keıin eldiń túrli qalalarynda eki mıllıonǵa jýyq adam áıelder quqyǵyn qorǵaý marshyna qatysty, dep habarlaıdy Rıa Novostı Frans Press agenttigine silteme jasap.
Uıymdastyrýshylardyń boljamynsha, bir ǵana Vashıngtonda narazylyq sharalarynyń oshaǵynda jarty mıllıon adam ereýilge shyǵýy múmkin. Bul erterekte boljanǵannan eki esege kóp. Los-Andjeles kóshelerinde de jergilikti polıtsııa 750 myń adamnyń sherýge shyqqanyn habarlady. Taǵy 500 myń adam Nıý-Iorkta qarsylyq tanytty.
Polıtsııa tarapynan rastalmaǵan derek boıynsha, Chıkagoda 150 myńǵa jýyq adam narazylyq sherýine shyqqan. Bostondaǵy narazy halyq sany da sol shamalas. Sonymen birge Maıamı, Denver, Sıetl, Fıladelfııada jappaı kóterilister bolǵan.
Marshqa qatysqan amerıkalyqtarǵa Berlın, Parıj, Rım, Vena, Jeneva, Amsterdam, Naırobı, Sıdneı, Melbýrn, Tokıo, Helsınkı qalalary qoldaý bildirdi. «Áıelder marshy» tipti Antarktıdada bolǵan.
