AQSh-ta eki aptanyń ishinde aptap ystyqtan 74 adam kóz jumdy
ASTANA. 9 shilde. QazAqparat - AQSh-ta eki aptanyń ishinde aptap ystyqtan kem degende 74 adam kóz jumdy. Bul týraly NBC-ge silteme jasap Lenta. rý habarlady.
Ásirese, AQSh-tyń shyǵysy men Ortalyq Batysy zardap shekti. Birqatar shtattarda aýanyń temperatýrasy ádettegi qalyptan birneshe ese joǵary. Máselen, 4-6 shilde aralyǵynda Chıkagoda aýa baǵamy 38 gradýsty kórsetti. Sent-Lýıste aýanyń joǵary temperatýrasy on kúnge jalǵasty. Kolýmbııa okrýginde 38 gradýstyq kórsetkish 8 shildege deıin sozyldy.
Jeldetkish joq úılerde adamdar kóz jumýda, kóshede, kóliktiń ishinde densaýlyqtary syr berip, jaǵdaılary nasharlaýda. Sonymen qatar bul aptap ystyqty myńdaǵan amerıkandyqtardyń úılerinde jaryqtyń joqtyǵy da jaǵdaıdy odan beter aýyrlatýda. Elektr ótkizý jelisi shyǵys shtattarda bolǵan daýyldyń saldarynan isten shyqqan bolatyn.
Sınoptıkterdiń boljamy boıynsha, batys shtattarda aýa temperatýrasy taǵy da joǵarylaıdy. Solt-Leık-Sıtıde aýa baǵamy 40 gradýsqa deıin jetedi dep kútilýde.
