AQSh-ta eki tikushaq soqtyǵysty

ASTANA. KAZINFORM – Jeksenbi kúni Nıý-Djersı shtatynyń Hammonton qalasynda eki tikushaq apatynan bir adam qaza taýyp, ekinshi ushqysh aýyr jaraqat aldy, dep habarlaıdy NBC News. 

Hammonton mýnıtsıpaldyq bıligi ókiliniń aıtýynsha, polıtsııaǵa eki tikushaqtyń soqtyǵysýy týraly qońyraýlar saǵat 11:25-te túsken. Apat saldarynan eki ushaq ta qulap, bireýi órtengen. 

Apattan bir adam qaza tapty, al taǵy bireýi aýyr jaraqattarmen aýrýhanaǵa jetkizildi. 

Turǵyndardyń biri sportzaldan shyǵyp bara jatqanda kenetten kólik apatyna uqsas qatty jarylystyń dybysyn estigenin aıtty. Ol eki tikushaqtyń bir orynda aınalyp ushyp, bıiktikti tez joǵaltyp jatqanyn kórdi.

Azamattyq avıatsııa federaldyq basqarmasynyń málimetinshe, Hammonton áýejaıynyń mańynda «Enstrom F-28A» jáne «Enstrom 280C» tikushaqtary áýede soqtyǵysqan. Áýe kemeleriniń árqaısysynda tek ushqyshtar bolǵan. Kóliktegi qaýipsizdik Ulttyq keńesiniń basshylyǵymen tergeý amaldary bastaldy.

Sáýir aıynda Nıý-Iork qalasynyń kórikti jerlerin aralaý kezinde tikushaq Gýdzon ózenine qulap, bir otbasy men ushqysh qaza tapqanyn jazǵan bolatynbyz.