AQSh-ta eki tikushaq soqtyǵysyp, úsh adam qaza tapty
ASTANA. KAZINFORM — AQSh-tyń soltústik-batysyndaǵy shaǵyn áýejaı mańynda eki tikushaq áýede soqtyǵysyp ketti. Jergilikti bıliktiń málimdeýinshe, úsh adam qaza tapqan. Bul týraly Sınhýa agenttigi habarlady.
ıAmhıll okrýginiń sherıf keńsesiniń málimeti boıynsha, oqıǵa Makmınnvıll mýnıtsıpaldy áýejaıynyń mańynda boldy. Tikushaqtardyń bortynda bolǵan úsh adam da mert boldy.
Qaza tapqandardyń tehastyq ushý nusqaýshysy, Ulybrıtanııadan kelgen pılot-kýrsant jáne Oregon shtatynyń Nıýberg qalasynan kelgen ushqysh ekeni belgili boldy.
AQSh Federaldy avıatsııa ákimshiligi bortynda bir adam bolǵan Robinson R22 tikushaǵy men eki adam mingen Airbus H125 tikushaqtary soqtyǵysqanyn habarlady.
Oqıǵanyń sebebin anyqtaý jumystary júrip jatyr.
Bul aqparatty Kazinform úshin seriktes agenttik Sınhýa usyndy.
Buǵan deıin Úndistannyń soltústiginde alty adam mingen tikushaq apatqa ushyraǵanyn habarlaǵan edik
