AQSh-ta dúleı daýyldan 700 myń abonent jaryqsyz qaldy
BATON-RÝJ. QazAqparat – AQSh-tyń Meksıka shyǵanaǵynyń jaǵalaýynda «Laýra» daýyly saldarynan birneshe adam qaza boldy, dep habarlaıdy QazAqparat CNN-ge silteme jasap.
Qaıǵyly oqıǵalar Lýızıana shtatynda boldy. Shtat gýbernatorynyń resmı ókili Krıstına Stıvenstiń sózinshe, úıdiń ústine aǵashtyń qulaýy saldarynan 14 jastaǵy qyz bala ajal qushty.
Jastary 60-qa taıaǵan eki er adam da úılerine aǵashtyń qulaýynan kóz jumdy. Sondaı-aq K.Stıvens daýyldan qaza bolǵandar sany artýy múmkindigin aıtty
Budan bólek, Charlz ózenine jaqyn jerde ornalasqan zaýytta órt shyqqan. Ol dúleı daýyldan týyndaýy múmkin degen boljam jasalýda. Alaıda, órttiń quıyndy jelden tutanǵany ázirge anyq emes.
CNN-niń habarlaýynsha, daýyl Lýızına jáne Tehas shtattarynda 700 myńnan astam abonentti jaryqsyz qaldyrdy. Lýızıanada Ulttyq gvardııa qyzmetkerleri joldardy qırandylar men ózge qoqystardan tazartýǵa kómektesýde.
Meteorologtar «Laýra» daýylyna qaýiptiliktiń «birinshi» sanatyn berip otyr. Ol endi Arkanzas shtatyna qaraı jyljyp, birtindep báseńdeı túsedi. Degenmen, jeldiń jyldamdyǵy aǵashtar men elektr baǵandaryn qulatarlyqtaı kúshti bolatynyn joqqa shyǵarmaıdy.
Foto: REUTERS/Adrees Latif
