AQSh-ta dúken tonalǵannan keıin atys bolyp, tórt adam ajal qushty
FLORIDA. QazAqparat – Florıdada qarýly qaraqshylar zergerlik dúkendi tonap, sonyń saldarynan eki qylmysker men eki azamat qaza tapty, dep habarlaıdy QazAqparat abcnews saıtyna silteme jasap.
Polıtsııanyń aqparaty boıynsha, oqıǵa beısenbi kúni Florıda shtaty Koral-Geıbls qalasynda bolǵan.
Dúken qyzmetkerleriniń biri jaraqat aldy, onyń qazirgi jaǵdaıy belgisiz.
Zergerlik dúkendi tonaý isi sátsiz aıaqtalǵannan keıin eki kúdikti UPS ekspress-jetkizý kompanııasynyń júk kóligin aıdap áketip, onyń júrgizýshisin tutqynǵa aldy. Polıtsııa qylmyskerlerdiń izinen qýǵan.
Atys saldarynan júk kóliginiń júrgizýshisi men jolda ketip bara jatqan kezdeısoq adam mert boldy. Polıtseıler shabýyldaýshylardy atyp tastady.
Federaldy tergeý bıýrosy tergeýdi óz baqylaýyna aldy.
