AQSh-ta Donald Tramptyń qonaqúıiniń janynda Tesla órtke orandy
ASTANA. KAZINFORM – Las-Vegas polıtsııasy AQSh-tyń saılanǵan prezıdenti Donald Trampqa tıesili Trump International Hotel qonaq úıi janynda Cybertruck elektr pıkapynyń órtenýin zerttep jatyr, dep habarlaıdy Kazinform agenttigi TASS-qa silteme jasap.
RedState portalynyń habarlaýynsha, qonaqúıge kelýshiler jarylys daýsyn estip, sonymen qatar kireberis mańynda qalyń tútindi kórgen.
- Biz Trump Tower kireberisinde kóliktiń órtenýin tekserip jatyrmyz. Órt sóndirildi. Oqıǵa ornyna jaqyndamańyz, - dep jazdy Las-Vegas polıtsııa departamenti X jelisinde.
Tesla ıesi Ilon Mask – Tramptyń eń jaqyn odaqtastarynyń biri. Respýblıkalyq ınaýgýratsııadan keıin kásipker bıznesmen Vıvek Ramasvamımen birge úkimettiń tıimdiligin arttyrý jáne bıýrokratııamen kúresý boıynsha jańa ákimshilik janyndaǵy bólimdi basqarady degen boljam bar.
Ilon Mask saılaý kúninen beri Tramptyń rezıdentsııasynda turyp jatqanyn jazǵan bolatynbyz.