AQSh-ta domınıkandyq ımmıgrant lotereıadan 338 mln. dollar utyp aldy
ASTANA. 26 naýryz. QazAqparat - AQSh-ta 44 jasar Domınıkan Respýblıkasynan kelgen ımmıgrant Pedro Kvezada Powerball lotereıasynan 338 mln. dollar utyp aldy, dep habarlaıdy RBK.
Utys ákelgen bılet Nıý-Djersı shtatynda alkogoldi sýsyndar satatyn dúkenderdiń birinen satyp alynǵan, dep habarlaıdy Associated Press. Barlyq tólemder men salyqtardy tólegennen keıin P.Kvezadaǵa buıyratyn qorytyndy soma 152 mln. dollardy quraıdy. Powerball lotereıasy tarıhyndaǵy kólemi boıynsha bul tórtinshi iri utys bolyp tabylady.
Jergilikti BAQ-tyń habarlaýy boıynsha, utysker eń aldymen aqshany otbasyna kómekke jumsaıdy. Pedro Kvezadanyń jubaıy Ines utysqa qýanyshty ekenin jetkizdi jáne ol úshin qudaıǵa alǵysyn aıtady.
Nıý-Iork qalasy mańyndaǵy Passaık aýdanyndaǵy Kvezada jubynyń kórshileri utysker otbasy «óte baısaldy jáne eńbekqor» jandar retinde áser qaldyrady dep habarlady.
Powerball lotereıasynda «djek-potty» utyp alý múmkindigi 175 mln.-nan birdi quraıdy.
