AQSh-ta dınozavrlar qyrylǵan kezeńde tirshilik etken atjalman qańqasy tabyldy
ASTANA. KAZINFORM – Ǵalymdar atjalmanǵa uqsas, dınozavrlar dáýirindegi apokalıpsısti bastan ótkergen ejelgi sútqorektiniń qaqqasyn topyraqtan qazyp aldy. Bul týraly Journal of Vertebrate Paleontology jýrnalynda jarııalandy.
Ejelgi kemirgishtiń qaldyqtary Kalıfornııa aýmaǵynan tabylǵan. Ǵalymdar janýardyń jasyn shamamen 75 mıllıon jyl dep baǵalap otyr.
Bul túrge Cimolodon desosai degen ǵylymı ataý berildi. Ol kóptóbeshiktiler (Multituberculata) otrıadyna jatady – bul Jer betinde ıÝra dáýirinde paıda bolyp, shamamen 100 mıllıon jyl ómir súrgen ejelgi top. Ǵalymdardyń aıtýynsha, osy topty zertteý arqyly sútqorektilerdiń jappaı joıylýǵa qalaı beıimdelgenin jáne keıin qalaı evolıýtsııalanǵanyn jaqsyraq túsinýge bolady.
Cimolodon desosai shamamen altyn tústi homıaktyń (alaqorjyn) kólemindeı bolǵan (shamamen 18 sm). Mamandardyń pikirinshe, ol jerde júrip, aǵashqa órmelep, jemistermen jáne jándiktermen qorektengen.
Cimolodon týysy dınozavrlar dáýiriniń sońynda, bor kezeńiniń sońǵy bóliginde keń taralǵan sútqorektilerdiń biri bolǵan. Onyń qazba qaldyqtary Soltústik Amerıkanyń batys bóliginiń kóptegen aımaǵynan tabylǵan.
Cimolodon desosai túri 66 mıllıon jyl burynǵy ǵalamdyq joıylyp ketý kezeńinen aman qalǵan túrlerdiń arǵy tegi bolǵan. Ǵalymdardyń pikirinshe, bul apat alyp asteroıdtyń Jerge qulaýynan bolǵan. Zertteýshiler mundaı tirshilikke beıimdilikti janýardyń shaǵyn kólemimen (jasyrynyp qalýǵa jeńil bolǵan) jáne talǵamaı qorektenýimen baılanystyrady.
Eske sala ketsek, jabaıy qabandar Germanııa turǵyndaryn alańdatyp otyrǵanyn jazdyq.
Buǵan deıin ıspanııalyq ǵalymdar tyshqandardy uıqy bezi qaterli isiginen tolyq aıyqtyrǵanyn habarladyq.
