AQSh-ta demokrattardyń demeýshileri Baıdendi áli de otstavkaǵa ketýge shaqyrýda
ASTANA. KAZINFORM – AQSh prezıdenti Djo Baıdenniń pikirsaıystarda kópshilik aldynda sóılegeni jáne ABC News arnasyna bergen suhbaty Demokratııalyq partııanyń iri demeýshileriniń qorqynyshyn seıilte almady, dep habarlaıdy ABC News.
Pikirtalastardan keıin Djo Baıdendi otstavkaǵa ketýge shaqyrǵan Netflix negizin qalaýshy jáne tóraǵasy Rıd Hastıngs óz úndeýin kúsheıtti.
«Ókinishke qaraı, Baıden óziniń psıhıkalyq jaǵdaıyn moıyndamaı otyr. Ol demokrattardyń jigerli kóshbasshysynyń Trampty jeńýine múmkindik berý úshin ketýi kerek», - dedi Rıd Hastıngs.
Paypal-dyń burynǵy bas dırektory Bıll Harrıstiń atap ótýinshe, Djo Baıdenniń ABC News-ke bergen suhbatynda qartaıyp bara jatqany baıqalyp turǵan. Bul jaǵdaı Baıdenge ýaqyt ótken saıyna kúmandana bastaǵan demokrat-saılaýshylardyń kúmánin údete túsýi múmkin.
B.Harrıstiń pikirinshe, suhbat pen pikirtalas qorytyndylary Baıdenniń otstavkaǵa ketýden basqa joly joq. 2020 jyly B.Harrıs Baıdenniń Jeńis qoryna 620 myń aýdardy.
B.Harıs ózi negizin qalaǵan «Demokrattar bolashaq býyn úshin» atty saıası is-qımyl komıtetniń Djo Baıden otstavkaǵa kete qalǵan jaǵdaıda prezıdentikke kandıdat retinde Demokratııalyq partııa atynan shyǵatyn azamattardyń debattaryna 2 mln dollar kóleminde qarjy bóletinin málimdegen bolatyn.
Osy jyldar ishinde demokrattarǵa jylyna 100 myń dollardan astam qaıyrymdylyq jasaǵan ınvestor Ýıtnı Tılson da Djo Baıden ketýi tıis degen pikirde.
«AQSh halqy týraly meniń kózqarasym turǵysynan qaraıtyn bolsaq óte myqty berilgen suhbattyń ózi Baıdenniń Trampty qarasha aıynda jeńýi qıyn degen pikirimdi ózgerte almaıdy. Ol orasan zor tájirıbesi bar tamasha adam jáne keremet prezıdent bolsa da, taǵy tórt jyl prezıdent bolýdyń qıyndyǵyn kótere almaıdy», - dedi Ý.Tılson.
Mıllıarder jáne Los-Andjelestegi jyljymaıtyn múlik magnaty Rık Karýzo da joǵarydaǵy úndeýlerge qosylyp, «X» áleýmettik jelisindegi paraqshasynda: «Osy mańyzdy kezeńde, osy mańyzdy saılaýda prezıdent Baıden úshin otstavkaǵa ketý durys jáne qurmetti nárse» dep habarlama jarııalady.
Keıbir donor demokrattar prezıdentti otstavkaǵa ketýge shaqyryp qana qoımaı, ózderiniń talaptary oryndalmaıynsha ir tıyn de bermeımiz dep otyr.
Buǵan deıin The Walt Disney Company basshysy Ebıgeıl Dısneı men The Moriah Fund jekemenshik qorynyń prezıdenti Gıdeon Steın Demokratııalyq partııaǵa qaıyrymdylyq jasaýdan bas tartqan.
Senbide Djo Baıden óz qoldaýshylaryna aqsha jınaý úndeýinde ony prezıdenttik jarystan bas tartýǵa shaqyrýdy «sandyraq» dedi.
